ଧାର୍ମିକ ନେତା ଆଦି ଶଙ୍କରାଚାର୍ଯ୍ୟଙ୍କ ଦ୍ୱାରା ଜଗନ୍ନାଥ ଅଷ୍ଟକମ୍ ରଚନା କରାଯାଇଥିଲା। ସେ ପୁରୀରେ ପ୍ରଭୁ ଜଗନ୍ନାଥଙ୍କ ଦର୍ଶନ ସମୟରେ ଏହି ପବିତ୍ର ଏବଂ ଆତ୍ମାପୂର୍ଣ୍ଣ ସ୍ତୋତ୍ର ରଚନା କରିଥିଲେ। ଏହି ସ୍ତୋତ୍ର ଆଠଟି ଶ୍ଳୋକରେ ପ୍ରଭୁ ଜଗନ୍ନାଥଙ୍କ ଦିବ୍ୟ ରୂପ ବର୍ଣ୍ଣନା କରିଥାଏ ଏବଂ ଚୈତନ୍ୟ ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କରିବା ସମୟରେ ଏହାକୁ ଗାଇଥିଲେ।
Read in – Devnagari
स्तोत्रं : ଜଗନ୍ନାଥାଷ୍ଟକମ୍
କଦାଚିତ୍-କାଲିଂଦୀ ତଟଵିପିନ ସଂଗୀତକରଵୋ
ମୁଦାଭୀରୀ ନାରୀଵଦନ କମଲାସ୍ଵାଦମଧୁପଃ ।
ରମା ଶଂଭୁ ବ୍ରହ୍ମାମରପତି ଗଣେଶାର୍ଚିତ ପଦୋ
ଜଗନ୍ନାଥଃ ସ୍ଵାମୀ ନୟନପଥଗାମୀ ଭଵତୁ ମେ ॥ 1 ॥
ଭୁଜେ ସଵ୍ୟେ ଵେଣୁଂ ଶିରସି ଶିଖିପିଂଛଂ କଟିତଟେ
ଦୁକୂଲଂ ନେତ୍ରାଂତେ ସହଚରକଟାକ୍ଷଂ ଵିଦଧତେ ।
ସଦା ଶ୍ରୀମଦ୍ଵୃଂଦାଵନଵସତିଲୀଲାପରିଚୟୋ
ଜଗନ୍ନାଥଃ ସ୍ଵାମୀ ନୟନପଥଗାମୀ ଭଵତୁ ମେ ॥ 2 ॥
ମହାଂଭୋଧେସ୍ତୀରେ କନକରୁଚିରେ ନୀଲଶିଖରେ
ଵସନ୍ ପ୍ରାସାଦାଂତସ୍ସହଜ ବଲଭଦ୍ରେଣ ବଲିନା ।
ସୁଭଦ୍ରା ମଧ୍ୟସ୍ଥସ୍ସକଲସୁର ସେଵାଵସରଦୋ
ଜଗନ୍ନାଥଃ ସ୍ଵାମୀ ନୟନପଥଗାମୀ ଭଵତୁ ମେ ॥ 3 ॥
କୃପା ପାରାଵାରାସ୍ସଜଲ ଜଲଦ ଶ୍ରେଣିରୁଚିରୋ
ରମାଵାଣୀ ରାମସ୍ଫୁରଦମଲ ପଂକେରୁହମୁଖଃ ।
ସୁରେଂଦ୍ରୈରାରାଧ୍ୟଃ ଶ୍ରୁତିଗଣଶିଖା ଗୀତ ଚରିତୋ
ଜଗନ୍ନାଥଃ ସ୍ଵାମୀ ନୟନପଥଗାମୀ ଭଵତୁ ମେ ॥ 4 ॥
ରଥାରୂଢୋ ଗଚ୍ଛନ୍ ପଥି ମିଲିତ ଭୂଦେଵପଟଲୈଃ
ସ୍ତୁତି ପ୍ରାଦୁର୍ଭାଵଂ ପ୍ରତିପଦମୁପାକର୍ଣ୍ୟ ସଦୟଃ ।
ଦୟାସିଂଧୁର୍ବଂଧୁସ୍ସକଲ ଜଗତା ସିଂଧୁସୁତୟା
ଜଗନ୍ନାଥଃ ସ୍ଵାମୀ ନୟନପଥଗାମୀ ଭଵତୁ ମେ ॥ 5 ॥
ପରବ୍ରହ୍ମାପୀଡଃ କୁଵଲୟ-ଦଲୋତ୍ଫୁଲ୍ଲନୟନୋ
ନିଵାସୀ ନୀଲାଦ୍ରୌ ନିହିତ-ଚରଣୋଽନଂତ-ଶିରସି ।
ରସାନଂଦୋ ରାଧା-ସରସ-ଵପୁରାଲିଂଗନ-ସଖୋ
ଜଗନ୍ନାଥଃ ସ୍ଵାମୀ ନୟନପଥଗାମୀ ଭଵତୁ ମେ ॥ 6 ॥
ନ ଵୈ ୟାଚେ ରାଜ୍ୟଂ ନ ଚ କନକ ମାଣିକ୍ୟ ଵିଭଵଂ
ନ ୟାଚେଽହଂ ରମ୍ୟାଂ ନିଖିଲଜନ-କାମ୍ୟାଂ ଵରଵଧୂମ୍ ।
ସଦା କାଲେ କାଲେ ପ୍ରମଥ-ପତିନା ଗୀତଚରିତୋ
ଜଗନ୍ନାଥଃ ସ୍ଵାମୀ ନୟନପଥଗାମୀ ଭଵତୁ ମେ ॥ 7 ॥
ହର ତ୍ଵଂ ସଂସାରଂ ଦ୍ରୁତତରମସାରଂ ସୁରପତେ
ହର ତ୍ଵଂ ପାପାନାଂ ଵିତତିମପରାଂ ୟାଦଵପତେ ।
ଅହୋ ଦୀନୋଽନାଥେ ନିହିତଚରଣୋ ନିଶ୍ଚିତମିଦଂ
ଜଗନ୍ନାଥଃ ସ୍ଵାମୀ ନୟନପଥଗାମୀ ଭଵତୁ ମେ ॥ 8 ॥
ଜଗନ୍ନାଥାଷ୍ଟକଂ ପୁଣ୍ୟଂ ୟଃ ପଠେତ୍ ପ୍ରୟତଃ ଶୁଚିଃ ।
ସର୍ଵପାପ ଵିଶୁଦ୍ଧାତ୍ମା ଵିଷ୍ଣୁଲୋକଂ ସ ଗଚ୍ଛତି ॥
ଇତି ଶ୍ରୀମଦ୍ ଶଂକରାଚାର୍ୟଵିରଚିତଂ ଜଗନ୍ନାଥାଷ୍ଟକଂ ସଂପୂର୍ଣଂ॥
